Menu

खेल
पृथ्वी शॉसाठी वेस्ट इंडिजची रणनिती तयार

nobanner

पहिल्या कसोटीत मुंबईचा तरुण खेळाडू पृथ्वी शॉने आक्रमक शतकी खेळी करत सर्वांना आपली दखल घेण्यास भाग पाडलं. पृथ्वी शॉच्या खेळीपुढे वेस्ट इंडिजचे गोलंदाज पुरते हतबल ठरलेले पहायला मिळाले. मात्र 12 तारखेपासून हैदराबाद येथे होत असलेल्या कसोटीसाठी वेस्ट इंडिजने पृथ्वी शॉसाठी खास रणनिती आखली असल्याचं विंडिजचा अष्टपैलू खेळाडू रोस्टन चेसने म्हटलं आहे.

“पहिल्या कसोटीत झालेल्या पराभवानंतर आम्ही त्यातून काही गोष्टी शिकलो आहोत. पृथ्वी शॉ फलंदाजीत काय करु शकतो याची आम्हाला पूर्णपणे कल्पना आलेली आहे. पहिल्या कसोटीत पराभव झाल्यानंतर आम्ही ड्रेसिंग रुममध्ये चर्चा केली, यामध्ये पृथ्वी शॉला कसं थांबवता येईल याची रणनिती आम्ही आखली आहे. ही रणनिती मी आता सांगू शकत नाही, मात्र मैदानात आम्ही पृथ्वी शॉला लवकर बाद करण्याचा प्रयत्न करु.” दुसरी कसोटी सुरु होण्यापूर्वी झालेल्या पत्रकार परिषदेत चेस बोलत होता.

दुसऱ्या कसोटीत वेस्ट इंडिजचे केमार रोच आणि कर्णधार जेसन होल्डर हे खेळाडू संघात परतणार आहेत. पहिल्या कसोटीत या दोन्ही खेळाडूंच्या अनुपस्थितीत वेस्ट इंडिजचा संघ पुरता कोलमडला होता. या मालिकेत भारत 1-0 ने आघाडीवर आहे, त्यामुळे उद्यापासून सुरु होणाऱ्या कसोटीत वेस्ट इंडिजचे गोलंदाज पृथ्वी शॉचा कसा सामना करतात हे पाहणं महत्वाचं ठरणार आहे.